OXIXO, dat klinkt as wat uut de ruimte, mar ’t is gien raketwetenschap heur. Met ’n duur woord doet wi’j dus an ‘design’ mar ’t is gewoan wi’j die fratsen uut Cortenstoal
uut de mouw schudt. Zeg mar gewoan: versierinkies die onmeunig mooi bint.
Wi’j hebt ideeën zat – meer as knie'n met kottels – mar nog liever heurt wi’j wat ie zelf in de kop hebt. Alles op bestelling, strakke levertied: veurdat de worst op de barbecue gaar is, kan ’t al an de muur hang’n.
Heb ie ons op ’n beurs gezien, toen wi’j achter 'n kroam stoan te doen as-of wi’j ’t druk hadden? Dacht ie: “Hé, mien logo in
cortenstoal, dat was wat!” Nou, roep mar. Dan braand wi’j dat cortenstoal
zo da’j d’r iederiene stil van kriegt.
En geloof mie: as ’t eenmaal hangt of steet, broest ’t zo mooi dat de kippen ’s avonds van bliejschop elk twee eieren legt.